Forseti Íslands, Hr. Guðni Th. Jóhannesson mætti á Garðatorg í dag, 11. nóv, og lagði átaki Dropans og Lions klúbbsins Eikar, lið með því að leyfa Dropunum Breka Degi Jónssyni og Bergsteini Þór Leifssyni að mæla í sér blóðsykurinn. Einnig afhenti Guðni formanni Dropans og varaformanni, bindi og sokkapar sem fer á uppboð á mánudaginn 14. nóvember sem er aljþóðadagur sykursýkis.
Heppnaðist viðburðurinn vel og spurði Guðni Dropana út í sjúkdóminn og fékk einnig að sjá insúlíndælu.
Lionsmenn og -konur verða víða um helgina að bjóða upp á blóðsykurmælingar en einnig verða Samtök Sykursjúkra í Smáralind á morgun, laugardaginn 12. nóvember, að bjóða upp á mælingar.
Uppboðið á bindi og sokkapari forsetans og fótboltatreyjunum, fer fram á ebay.com á mánudaginn.