Að vanda stendur Dropinn fyrir unglingaferð í sumar. Þessi ferð er ætluð 14-18 ára unglingum (fædd 1999-2003).
Farið verður til Svíþjóðar þar sem farið verður á skólaskip og siglt um í fallegu umhverfi á sléttum sjó. Krakkarnir eru hásetar um borð og allir hjálpast að og skemmta sér.
Flogið verður með Icelandair til Gautaborgar, rúta að skipi og svo er í lokin gist í Gautaborg í 2 nætur á Ibis hóteli. Þar verður farið í Tívólí í Liseberg og gert margt skemmtilegt. Ragnar er sérlegur áhugamaður um verslunarferðir og stýrir þeim.
Þessi ævintýraferð verður 9. júní – 15. júní. Kynningarfundur verður í janúar!
Kostnaður er áætlaður 50.000 kr og Samtök Sykursjúkra endurgreiða helming upphæðarinnar. Það kostar 3.000 kr að vera meðlimur
Sendið umsókn á: dropinn@dropinn.is þar sem fram kemur
- nafn og kennitala unglings,
- heimilisfang,
- nafn og kennitala forráðamanns,
- símanúmer
- netfang
Það er hámarksfjöldi sem kemst í ferðina. Ef fleiri vilja fara en pláss er fyrir mun Ragnar, ásamt stjórn velja þá sem fara. Þeir sem eru í forgang eru þeir sem hafa ekki farið áður eða eru nýgreindir.